1973 оноос хойш үхрийн фермд ажиллаж, 1987, 1989 онуудад сумын аварга саальчнаар шалгарч байсан Манхан сумын Төгрөг гол багийн саальчин Ч.Мундуусүрэн “Аймгийн аварга саальчин” боллоо. 

Шагналыг аймгийн ИТХ-ын дарга Г.Пүрэвганди, аймгийн ЗДТГ-ын ХОХБХ-ийн дарга С.Гантөмөр, сумын Засаг дарга П.Мөнхбат нарын удирдлагууд гардуулан өгч цаашдын ажил хөдөлмөрт нь амжилт хүссэн юм.  

Ч.Мундуусүрэн “Цэнхэр агуйт" ХХК-д 2008 оноос хойш ажиллаж байгаа бөгөөд тус компани жилд 40-50 үнээнээс 20-30 мянган литр сүү сааж сумынхаа сургууль, цэцэрлэгээс гадна Жаргалант сумын 3, 10, 11-р цэцэрлэгүүдэд сүү, тараг нийлүүлдэг байна.

Тэрээр сааль сүү хийхийн зэрэгцээ монгол үндэсний дээл урлаж, арьс, шир, нэхий элдэж боловсруулдаг хөдөлмөрч нэгэн юм байна.