Ямаан сүргийнхээ тоогоор аймаг, сумандаа сүүлийн гурван жилийн турш тэргүүлж, 19 жилийн хөдөлмөр, хичээл зүтгэлээ төр засагтаа үнэлүүлэн “Аймгийн аварга малчин”-аар шалгарсан Манхан сумын Тахилт багийн малчин Даваагийн Пүрэвжавын шагналыг аймгийн ИТХ-ын дарга Г.Пүрэвганди, аймгийн ИТХ-ын Төлөөлөгч Т.Дэлгэрсайхан, ЗДТГ-ын ХОХБТХ-ийн дарга С.Гантөмөр, Манхан сумын Засаг дарга П.Мөнхбат нарын удирдлагууд гардуулан өгөв.

Аймгийн аварга малчин Д.Пүрэвдоржийн ярьж буйгаар Монгол хүн мал ахуйнхаа ашиг шимийг хүртэж, малынхаа тоо толгойг өсгөхдөө бус чанарт нь илүү анхаарах, залуу малчин дүү нартаа мал маллах арга ухаан, малын тарга хүчийг хэрхэн сайжруулах арга туршлагаасаа заадаг гэж байлаа. Мөн өөрийн болон зэргэлдээ Баянгол багийнхаа 5-6 малчинг жил бүр 50 гаруй эм ямаагаар малжуулдаг байна.