Аймгийн ИТХ-ын Тэргүүлэгчдийн 2014 оны 11 дугаар сарын 19-ний өдрийн “Хуралдаан зарлах тухай” 144 дүгээр тогтоолоор аймгийн иргэдийн Төлөөлөгчдийн Хурлын ээлжит 7 дугаар хуралдааныг 2014 оны 12 дугаар сарын 04-ний өдөр Ховд хотод хуралдуулж:

1.“Аймгийн иргэдийн Төлөөлөгчдийн Хурлын 2014 оны үйл ажиллагааны тайлан” илтгэл

2.“Аймгийн Засаг даргын 2012-2016 оны үйл ажиллагааны хөтөлбөрийн биелэлтийн явц”, “Аймгийн эдийн засаг, нийгмийг хөгжүүлэх 2014 оны үндсэн чиглэлийн хэрэгжилт”, “2015 оны зорилт”-ын тухай илтгэл

3.“Орон нутгийн төсвийн 2014 оны хүлээгдэж буй гүйцэтгэл, 2015 оны төсвийн төсөл, 2013 оны гүйцэтгэл”-ийн тухай илтгэл

4.“2015 оны орон нутгийн төсвийн төсөлд болон төсвийн хөрөнгийн үр ашгийг дээшлүүлэх, орлого нэмэгдүүлэх талаар аймгийн Аудитын газраас оруулах санал, дүгнэлт”-ийн тухай

5.“Аймгийн 2014 оны газар зохион байгуулалтын ерөнхий төлөвлөгөөний хэрэгжилтийн дүн, 2015 оны газар зохион байгуулалтын ерөнхий төлөвлөгөө”-ний тухай асуудлуудыг тус тус хэлэлцэхээр шийдвэрлэжээ.

2014 оны 12 дугаар сарын 01-ний өдрөөс эхлэн ээлжит хуралдааны хэлэлцэх асуудлуудын төслийг Төлөөлөгчдөд танилцуулах, мэдээлэл хийх, Төлөөлөгчийн өдөр, хороод, намын бүлгийн хурал, хэлэлцүүлгүүд явагдаж эхэлнэ.