Шатрын спортыг орон нутагт жигд хөгжүүлэх, түгээн дэлгэрүүлэхийн тулд Монгол улсад шинэ Үндсэн хууль батлагдсан өдрийг тэмдэглэн өнгөрүүлэх ажлын хүрээнд УИХ-ын дарга М.Энхболдын ивээл дор уламжлал болгон зохион байгуулагддаг “Шатар сонирхогчдын улсын аварга шалгаруулах тэмцээн”-ий хагас шигшээ буюу аймгийн аварга шалгаруулах тэмцээн өнөөдөр буюу 12 дугаар сарын 08-ны өдөр зохион байгуулагдаж байна. Уг шатрын тэмцээнийг аймгийн ИТХ-ын Нарийн бичгийн дарга Б.Сандагсүрэн нээж, тэмцээнд оролцогчдод амжилт хүслээ. 

Шатар сонирхогчдын улсын аварга шалгаруулах тэмцээний анхан шат буюу 2018 оны сумын аварга шалгаруулах тэмцээн энэ оны 11 дүгээр сарын 10-11-ний өдрүүдэд зохион байгуулагдаж эрэгтэй-3, эмэгтэй-1 тамирчид шалгарч, аймгийн аварга шалгаруулах тэмцээнд 17 сумын 60 гаруй тамирчид оролцож байна. 

Аймгийн аварга шалгаруулах тэмцээнээс шалгарсан эрэгтэй-2, эмэгтэй-1 тамирчид 2019 оны 01 дүгээр сарын 10-нд Улаанбаатар хотод зохион байгуулагдах Улсын аварга шалгаруулах шигшээ тэмцээнд оролцоно.