Төв аймгийн Эрдэнэ сумын Засаг дарга бөгөөд сумын Хүүхдийн элч Н.Мөнхсайханы санаачлан Ерөнхий боловсролын сургуулийн 11 дүгээр ангийн сурагчдад “Төрийн албаны мөн чанар, үйл ажиллагаа”-ны талаар мэдлэг олгох зорилгоор “Ирээдүйн төрийн албан хаагч” арга хэмжээг зохион байгуулжээ. Уг арга хэмжээнд нийт 31 сурагч хамрагдсан бөгөөд тэд нутгийн удирдлагын байгууллагад өөрийн биеэр ажиллаж, энэ хугацаандаа төрийн үйлчилгээ иргэдэд хэрхэн хүрдэг талаар мэдлэг мэдээллийг олж авсан байна.
