Аймгийн иргэдийн Төлөөлөгчдийн Хурлын Тэргүүлэгчдийн ээлжит 17 дугаар хурал хуралдаж, 6 асуудал хэлэлцэн шийдвэрлэлээ. Үүнд: Аймгийн 2018 оны жилийн эцсийн мал, хөдөө аж ахуйн тэжээвэр амьтны тооллогыг зохион байгуулж явуулах аймгийн комиссыг байгууллаа. Аймгийн иргэдийн Төлөөлөгчдийн Хурлын ээлжит долоодугаар хуралдааныг 2018 оны 11 дүгээр сарын 29-ний өдөр Даланзадгад суманд хуралдуулахаар товлолоо. 

Мөн орон нутгийн өмчит “Таван толгой” ХК-ийн Төлөөлөн удирдах зөвлөлд чиглэл өгөх тухай, орон нутгийн өмчийн тухай, хамтарсан компани байгуулах саналыг хэлэлцэх тухай болон иргэдийг төрийн шагналд тодорхойлох, аймгийн иргэдийн Төлөөлөгчдийн Хурлын шагналаар шагнах тухай асуудлуудыг тус тус хэлэлцэн шийдвэрлэлээ.