Дархан сумын 15 дугаар багийн 9 дүгээр хэсэгт өнгөрсөн хавар шар усны үер буусны улмаас гудамж талбай зарим хэсэгтээ ихээхэн эвдэрсэн. Тухайн үед нөхцөл байдалтай улсын Онцгой комиссын ажлын хэсэг танилцаж шадар сайдад танилцуулсан юм. Үүний үр дүнд ирэх онд тус хэсэгт үерийн хамгаалалтын суваг байгуулах төсөв батлагдсан. Суваг баригдахаас өмнө учирч болзошгүй эрсдлээс урьдчилан сэргийлэх үүднээс энэ сарын 3-15-ны өдрүүдэд зохион байгуулагдах Дархан сумын команд штабын сургуулилтын үеэр Дархан сумын ЗДТГ-аас аймгийн ОБГ, дэд бүтцийн байгууллагуудтай хамтран үерээс хамгаалах түр суваг байгуулахаар зэхэж байна.