Мөнгөнморьт сум нийтийн биеийн тамирыг хөгжүүлэх, хөдөлгөөний дутагдлаас сэргийлэх, ард иргэдийн чөлөөт цагийг үр дүнтэй зөв боловсон өнгөрүүлэх зорилгоор “Эрүүл агаар эм-2018” явган аялалыг зохион байгуулдаг байна. Энэ удаагийн явган аялалыг сумын ЗДТГ зохион байгуулж, 120 гаруй иргэд, албан хаагчид оролцож, 14 км-ийн аялал хийсэн байна.
Багуудын дунд 100 метрийн гүйлт, хөгжөөнт буухиа, олс таталт, хөл бөмбөг, зээрэнцэг, бөөрөнцөг гэсэн төрлүүдээр тэмцээн зохион байгуулснаас 1-р байрыг Эрүүл мэндийн төв, 2-р байрыг Ерөнхий боловсролын сургууль, 3-р байрыг Булаг баг тус тус эзэлжээ.