Ховд аймагт Эрчим хүчний салбар үүсч хөгжсөний 70 жилийн ойн баяр өнөөдөр буюу 08 дугаар сарын 11-ны өдөр Хөгжим Драмын Театрт боллоо.
Ойн баярын нээлтийн үйл ажиллагаанд аймгийн ИТХ-ын дарга Г.Пүрэвганди, ЭХЯ-ны Төрийн нарийн бичгийн дарга ББЭХС ТӨХК-ийн ТУЗ-ийн дарга З.Мэндсайхан, аймгийн ИТХ-ын нарийн бичгийн дарга Б.Сандагсүрэн, Эрчим хүчний зохицуулах хорооны зохицуулагч Д.Бассайхан, ББЭХС ТӨХК-ийн гүйцэтгэх захирал Р.Нямтуул болон үе үеийн эрчим хүчний дарга, ахмад ажилчид нар оролцов.
Аймгийн ИТХ-ын дарга Г.Пүрэвганди түүхт 70 жилийн ойн баярын мэндчилгээ дэвшүүлж, хүндэтгэл үзүүлэн, Ховд ЦТС ХХК-ийн хамт олонд үнэ бүхий зүйл хадгалуулсныг тус газрын гүйцэтгэх захирал Ш.Арстанд гардуулан өгсөн юм.
Мөн аймгийн “Хүндэт тэмдэг”-ээр Ахмад ажилчин Ц.Хадбаатар, ахмад ажилчин Н.Цэрмаа, ахмад ажилчин Л.Пүрэвсүрэн нарыг шагнаж урамшуулсныг аймгийн ИТХ-ын дарга Г.Пүрэвганди, аймгийн ИТХ-ын нарийн бичгийн дарга Б.Сандагсүрэн нар гардуулан өгсөн юм.
