Эх үрсийн баярыг тохиолдуулан Монгол улсын Ерөнхийлөгчийн зарлигаар Ховд аймгийн 345 эх Алдарт эхийн одонгоор энгэрээ мялаалаа. Өөрөөр хэлбэл аймгийн хэмжээнд 41 ээж Алдарт эх"-ийн I зэргийн одон энгэртээ зүүсэн бол 304 ээж II зэргийн одонгоор энгэрээ мялаалаа. Үүнээс Жаргалант суманд 6 эх I зэргийн одонгоор, 103 эх II зэргийн одонгоор энгэрээ мялаалаа.

Жаргалант сумын алдарт эхчүүдийн одонг аймгийн ИТХ-ын дарга Г.Пүрэвганди, аймгийн Засаг дарга Д.Галсандондог, аймгийн Засаг даргын орлогч Ш.Батсүх, аймгийн ИТХ-ын нарийн бичгийн дарга Б.Сандагсүрэн, ЗДТГ-ын дарга Б.Ганболд болон аймгийн ИТХ-ын зарим Тэргүүлэгч, Төлөөлөгчид гардуулан өгч баяр хүргэлээ.

Хамгийн олон эх шагндагдсан сумыг нэрлэвэл Жаргалант, Булган, Манхан зэрэг сумд байв. Энэ жил I зэргийн одонгоор шагнагдсан хамгийн залуу эх 30 настай, 2 дугаар одонгоор 27 настай эх тус тус шагнагдав.