Ховд аймагт  Ерөнхий боловсролын 25 сургууль үйл ажиллагаа явуулж байна. Тэдгээрт нийтдээ 17000 гаруй сурагч суралцаж байгаа бөгөөд  энэ хичээлийн жилд  Бүрэн дунд боловсролыг  1684 сурагч, Суурь боловсролыг 1305 сурагч, бага боловсролыг 1703 сурагч эзэмшин Эрдмийн баяраа тэмдэглэж байна.

Үүнээс Жаргалант сумын 7-р сургууль хувьд 12-р анги 56, 9-р анги 53, 5-р анги 104 хүүхэд Эрдмийн баяраа тэмдэглэж байна.

12 жилийн 7-р сургуулийн мөнгөн хонхны баярын үйл ажиллагаанд аймгийн ИТХ-ын хурлын дарга Г.Пүрэвганди,  аймгийн ИТХ-ын төлөөлөгч Д.Нямлхагва, Жаргалант сумын Засаг даргын орлогч Ц.Лувсанлхамо нарын албаны хүмүүс оролцож  багш сурагчиддаа баярын мэндчилгээ дэвшүүлэн, сайн сайхны ерөөлийг өргөн дэвшүүллээ.

Энэ үеэр 7-р сургуулийн багш Э.Сумъяа,12-р ангийн сурагч Э.Энх-Эрдэн,5б ангийн сурагч Г.Уранчимэг нарыг аймгийн ИТХ-ын даргын “Хүндэт Өргөмжлөл”, дурсгалын зүйлээр шагнаж урамшуулав.