Жүдо бөхийн өсвөр үеийн 2018 оны баруун бүсийн аварга шалгаруулах тэмцээн 2018 оны 03 дугаар сарын 30-ны өдрөөс 04 дүгээр сарын 01-ны өдрүүдэд Ховд хотод амжилттай зохион байгуулагдаж өндөрлөлөө. Тус тэмцээний нээлтийн үйл ажиллагаанд аймгийн ИТХ-ын дарга Г.Пүрэвганди, аймгийн Засаг даргын орлогч  Ш.Батсүх, БТСГ-ын дарга Г.Цэдэнбал, МЖБХ ерөнхий нарийн бичгийн дарга М.Бөхбат , МУ-ын гавьяат тамирчин Р. Даваадалай нар оролцов.

Энэ үеэр Ази тивийн Жүдо бөхийн холбооны тэргүүн, Монголын Жүдо бөхийн холбооны нарийн бичгийн дарга М.Бөхбат, МУ-ын гавьяат тамирчин Олимпын наадмын хүрэл медальт Р.Даваадалай нарыг аймгийн ИТХ-ын даргын “Хүндэт Өргөмжлөл”, дурсгалын зүйлээр шагнаж урамшуулав.

Уг тэмцээнд Ховд, Баян-Өлгий, Увс, Говь-Алтай, Завхан, "Бор-Арслан" дэвжээ, "Тэсийн-Хүчтэн"дэвжээ, "Улаан-Гуталт" дэвжээ, "Завханы-Шонхор" дэвжээ зэрэг 9 багийн 240 гаруй өсвөрийн жүдочид эрэгтэй, эмэгтэй 25 жинд 100 багц медалийн төлөө өрсөлдлөө.