УИХ-ын Тамгын газар, Швейцарийн хөгжлийн агентлаг, НҮБ-ын хөгжлийн хөтөлбөрөөс 2017-2020 онд хэрэгжүүлж буй “Төлөөллийн байгууллагыг бэхжүүлэх нь” төслийн хүрээнд Ховд аймгийн ИТХ-ын Ажлын албанаас шат дараалсан сургалтуудыг зохион байгуулж байна. Энэ удаагийн сургалтыг “Нутгийн удирдлагад эмэгтэйчүүдийн манлайлал” сэдвээр 02 дугаар сарын 27, 28-ны өдрүүдэд зохион явуулах юм.
Сургалтын нээлтэнд аймгийн ИТХ-ын дарга Г.Пүрэвганди, аймгийн ИТХ-ын Төлөөлөгч, Засаг даргын орлогч Ч.Уранчимэг, аймгийн ИТХ-ын нарийн бичгийн дарга Б.Сандагсүрэн, "Хил хязгааргүй алхам" ТББ-ын тэргүүн, Үндэсний сургагч багш Н.Баярсайхан нар оролцлоо.
Сургалтанд аймгийн ИТХ-ын 9 эмэгтэй Төлөөлөгч, сумдын ИТХ-ын 67 эмэгтэй Төлөөлөгчид болон сумдын ИТХ-ын нарийн бичгийн даргаар ажиллаж байгаа эмэгтэйчүүдээс бүрдсэн 80 гаруй хүн хамрагдаж байна.
