Энэ хичээлийн жилд манай аймагт 28 цэцэрлэг үйл ажиллагаа явуулж 5000 гаруй хүүхдэд сургуулийн өмнөх боловсрлыг олгож байна. Боловсролын салбарт бүтээн байгуулалт, хөрөнгө оруулалтын ажлыг үргэлжлүүлэн хийж 2017 онд Улсын тэргүүний 11 дүгээр цэцэрлэгийг их засварт оруулсан бол ирэх жил өргөтгөл 100 хүүхдийн шинэ цэцэрлэгийг барихаар төсвийг батлуулав. Уг цэцэрлэгийн барилгыг барих ажлыг Оюутолгой, Өмнөговь аймгийн хамтын ажиллагааны хүрээнд байгуулагдсан "Говийн оюу хөгжлийг дэмжих сан" бүрэн санхүүжүүлнэ.