Аймгийн ИТХ-ын IV хуралдаан 2017 оны 11 дүгээр сарын 27-ны өдөр Нутгийн удирдлагын ордны Хуралдааны их танхимд боллоо. Хуралдаанд 27 Төлөөлөгч хүрэлцэн ирж 65,8 хувийн ирцтэйгээр хуралдаж, Аймгийн 2016 оны төсвийн гүйцэтгэл, 2017 оны төсөвт нэмэлт, өөрчлөлт оруулах тухай болон Аймгийн эдийн засаг, нийгмийг хөгжүүлэх 2018 оны үндсэн чиглэлийн тухай аймгийн Засаг дарга Д.Галсандондогийн илтгэлийг тус тус хэлэлцэв.

Илтгэлтэй холбогдуулан хурлын Төлөөлөгчид аймгийн Засаг дарга Д.Галсандондог болон холбогдох албан тушаалтан, мэргэжилтнүүдээс асуулт асууж, аймаг орон нутгийн хөгжил цэцэглэлт, ард иргэдийн амьдрал ахуй, эрүүл мэнд, нийгмийн асуудлыг шийдвэрлэхүйц чухал санал гарган, тогтоолын төсөлд тусгуулан баталлаа.