Аймгийн УЗХ-ны удирдах зөвлөл 2017 оны 11 дүгээр сарын 08-ны өдөр хуралдав. Хурлаар МУЗН, ҮХБ-ын Ховд дахь салбарын 2017 оны эхний 10 сарын санхүү болон үйл ажиллагааны тайлантай танилцан, цаашдын үйл ажиллагааны талаар, хэлэлцэж, үүрэг чиглэл өглөө.
Удирдах зөвлөлийн тэргүүн, Аймгийн ИТХ-ын дарга Г.Пүрэвганди “УЗХ-ны ажил үйлчилгээг тогтвортой байж ард иргэддээ хүрч ажиллахад бидний хамтын ажиллагаа, идэвхи санаачлага юу юунаас чухал. Өнөөдөр хөдөө аж ахуйн салбар, малчдын өмнө тулгараад байгаа ган зудын асуудлыг хохирол багатай даван туулахад Ховдчууд бид бүхэн хүмүүнлэг энэрэнгүй сэтгэл, хамтын ажиллагаагаараа нэгдэж хэн юу чадна түүгээрээ туслах хэрэгтэй. Энэхүү арга хэмжээнд аймгйин УЗХ-ны идэвхи санаачлага юу юунаас чухал байгаа гэдгийг онцлон хэлж, аймаг орон нутгаас зохион байгуулж байгаа “Малчдад тусалъя” 3 сарын аянд ард иргэдийг идэвхтэй оролцохыг уриаллаа.
