Монголын Үйлдвэрчний Эвлэлийн 100 жил, Ховд аймгийн Үйлдвэрчний Эвлэлийн 91 жилийн ойг тохиолдуулан зохион байгуулж буй “Ховд аймгийн ҮЭХолбооны 34 дүгээр бага хурал” 10 дугаар сарын 23-ны өдөр болов.
Бага хурлын нээлтийн үйл ажиллагаанд аймгийн ИТХ-ын дарга Г.Пүрэвганди оролцож, Үйлдвэрчний эвлэлийн холбоог эрчимтэй хөгжүүлэх замаар иргэд, хөдөлмөрчдийн эрх, түүнтэй холбогдсон хууль ёсны ашиг сонирхолыг тууштай хамгаалж ирсэн ҮЭХолбоодын дарга нар, гишүүд дэмжигчдэд баярын мэндчилгээ дэвшүүлж цаашдын ажил үйлсэд нь өндөр амжилт хүслээ.
Энэ үеэр олон жил идэвхи зүтгэлтэй ажиллаж ирсэн хөдөлмөр зүтгэлийг нь үнэлэн Алтай сумын ҮЭХолбооны дарга С.Энхтөрийг аймгийн "Хүндэт тэмдэг"-ээр, аймгийн ҮЭХолбооны ажилтан Б.Гантулгыг Аймгийн ИТХ-ын даргын хүндэт өргөмжлөлөөр шагнаж урамшуулсан байна.
