Монгол улсад орчин цагийн Одон орон, Геофизикийн шинжлэх ухаан үүсч хөгжсөний 60 жилийн ойг тохиолдуулан ШУА-ийн Одон орон, геофизикийн хүрээлэнгээс “Баруун бүсийн газар хөдлөлтийн мэдээлэл боловсруулалт, арга зүй” сэдэвт орон нутаг дахь салбаруудын эрдэм шинжилгээний ажилтнуудын сургалт семинарыг Увс аймагт зохион байгууллаа.

Тус сургалт семинарт, ЗХУ-ын баатар, Монгол улсын баатар, Монгол улсын иргэн сансрын нисгэгч, Астропаркийн салбарын дарга Ж.Гүррагчаа, ШУА-ийн Одон орон, геофизикийн хүрээлэнгийн захирал, ШУ-ы доктор С.Дэмбэрэл, Хүрээлэнгийн эрдэмтэн нарийн бичгийн дарга Ч.Одонбаатар тэргүүтэй хүмүүс мөн, Увс аймгийн ИТХ-ын дарга Э.Насанбат, аймгийн газар хөдлөлтийн станцын дарга Л.Бат-Өлзий, аймгийн ЗДТГ-ын дарга С.Батжаргал, баруун аймгуудын холбогдох салбарын төлөөлөлүүд, Байгаль орчны салбар болон газрын харилцааны байгууллагуудын мэргэжилтнүүд өргөн бүрэлдэхүүнтэй оролцлоо.