УИХ-ын гишүүн, ХЗДХ-ийн сайд С.Бямбацогт, УИХ-ын гишүүн О.Батнасан нарын санаачлагаар аймгийн Удирдах ажилтнуудын зөвлөгөөн өнөөдөр зохион байгуулагдлаа. Уг зөвлөгөөнд УИХ-ын гишүүн, ХЗДХ-ийн сайд С.Бямбацогт, аймгийн Засаг даргын орлогч Ш.Батсүх, аймгийн ИТХ-ын нарийн бичгийн дарга Б.Сандагсүрэн, аймгийн ЗДТГ-ын дарга Б.Ганболд нар болон байгууллагын дарга, эрхлэгч нар, сумдын ИТХ-ын дарга, Засаг дарга нар оролцжээ.

Уг арга хэмжээний үеэр аймгийн Засаг даргын орлогч Ш.Батсүх аймаг, орон нутгийн намаржилт, өвөлжилтийн байдал, цаашид авах арга хэмжээний талаар мэдээлэл өгсөн бөгөөд мөн Чандмань, Эрдэнэбүрэн сумын удирдлагууд орон нутагтаа хийж хэрэгжүүлж буй ажлаа болон өвөлжилтийн бэлтгэл ажил хэрхэн хангагдаж байгаа талаар мэдээлэл өгсөн юм.