УИХ-ын гишүүн, ХЗДХ-ийн сайд С.Бямбацогт, УИХ-ын гишүүн О.Батнасан нарын санаачлагаар зохион байгуулагдсан “Малчин, удирдах ажилтнуудын зөвлөгөөн” 09 дүгээр сарын 09-ний өдөр Нутгийн удирдлагын ордны Хуралдааны их танхимд боллоо.

Тус зөвлөгөөнд аймгийн ИТХ-ын дарга Г.Пүрэвганди, Засаг даргын орлогч Ш.Батсүх, аймгийн ХХАА-н газрын Дарга Т.Баатарзориг нарын аймгийн удирдлагууд, ХХААХҮЯамны газрын дарга нар, сумдын ИТХ-ын дарга, Засаг дарга, Мал эмнэлгийн үржлийн тасгийн дарга, Хүн эмнэлгийн эрхлэгч, эмч болон бүх сумдын баг бүрээс туршлагатай малчид  гээд 250 гаруй хүн оролцов.

Энэхүү зөвлөгөөнөөр Хөдөө аж ахуйн салбарын өнөөгийн байдал, авч хэрэгжүүлж буй арга хэмжээ, мал аж ахуйн салбартай холбоотой мэдээлэл солилцож, малчдад тулгамдаж буй асуудлуудыг хэлэлцэн, зөвлөмж гаргаж малчдад хүргүүлэхээр болсон байна.