Ховд аймагт Хар-Ус нуур орчмын Улсын Тусгай Хамгаалалттай газар нутгийн хамгаалалтын захиргаа үүсэн байгуулагдсаны 20 жилийн Баярын хурал аймгийн Хөгжимт драмын театрт 09 дүгээр сарын 09-ний өдөр боллоо.
Тус хуралд УИХ-ын гишүүн, ХЗДХ-ийн сайд С.Бямбацогт, Аймгийн ИТХ-ын дарга Г.Пүрэвганди, аймгийн ИТХ-ын нарийн бичгийн дарга Б.Сандагсүрэн, Хар-Ус нуур орчмын УТХГН-ийн хамгаалалтын захиргааны дарга С.Батмөнх нарын аймгийн удирдлагууд болон үе үеийн дарга, ажилтнууд оролцов.
Энэ үеэр ХЗДХ-ийн сайд С.Бямбацогт Хар-Ус нуур орчмын УТХГН-ийн хамгаалалтын захиргааны хамт олонд 20 жилийн ойн баярын мэндчилгээ дэвшүүлэн үг хэлж, БОАЖЯ-аас шагнасан автомашин, мотоцикл, бусад тоног төхөөрөмж болоод "Байгаль орчны тэргүүний ажилтан" хүндэт тэмдгээр доктор З.Бурмаа, байгаль хамгаалагч М.Алтангэрэл, БОАЖЯ-ны “Жуух бичиг”ээр нягтлан бодогч С.Сарангэрэл нарыг шагнасан шагналыг гардуулан өглөө.
Үүний дараагаар аймгийн ИТХ-ын дарга Г.Пүрэвганди “Хар-Ус нуур орчмын УТХГН-ийн хамгаалалтын захиргаа” үүсэн байгуулагдсаны 20 жилийн ойн баярын мэнд дэвшүүлэн тус байгууллагын хамт олонд аймгийн ИТХ-ын даргын “Хүндэт өргөмжлөл” дурсгалын зүйл хадгалуулав. Мөн тус байгууллагын байгаль хамгаалагч Б.Болд, мэргэжилтэн А.Хашбаатар, ахмад ажилтан н.Дашдарь нарыг аймгийн “Хүндэт тэмдэг”-ээр шагнаж урамшуулсан байна.
