Тэргүүлэгчдийн ээлжит 12 дугаар хурал 2017.08.31-ний өдөр хуралдаж тус хурлаар долоо асуудлыг хэлэлцлээ. Үүнд: Зарим газар нутгийг орон нутгийн тусгай хэрэгцээнд авах тухай асуудлыг дэмжиж, аймгийн иргэдийн Төлөөлөгчдийн Хурлын тавдугаар хуралдаанд танилцуулахыг хурлын даргад үүрэг болголоо.     

        Аймгийн нутаг дэвсгэрт ашигт малтмалын хайгуул, ашигт малтмалын чиглэлээр үйл ажиллагаа явуулах, хувь нийлүүлсэн хөрөнгөтэй, орон нутгийн өмчийн оролцоотой хязгаарлагдмал хариуцлагатай компанийн үүсгэн байгуулагчаар “Хөгжил хөрөнгө оруулалтын газар” ОНӨААТҮГ-ыг зарим хувийн хэвшилийн компанитай хамтран оролцохыг зөвшөөрлөө.

        Аймгийн хүндэт иргэнээр “Оюу толгой” ХХК-ийн Үйл ажиллагаа эрхэлсэн захирал Жонс Стивенийг шагнаж, зарим иргэдийг төрийн шагналд тодорхойллоо.

Мөн орон нутгийн өмч хөрөнгө актлах, худалдах, шилжүүлэх, аймгийн иргэдийн Төлөөлөгчдийн Хурал, “Саусгоби сэндс” ХХК-ийн хооронд байгуулсан эвлэрлийн гэрээний тухай, Хэлмэгдэгсдийн дурсгалыг хүндэтгэх гэрэлт хөшөөг нүүлгэн шилжүүлэх тухай асуудлуудыг тус тус хэлэлцлээ.