Аймаг, нийслэлийн ИТХ-ын сонгуульд ялалт байгуулан сонгогдсон эмэгтэй Төлөөлөгчдийг дэмжих төслийн хүрээнд зохион байгуулагдаж буй Бүгд Найрамдахчуудын Олон Улсын Хүрээлэнгийн "Засаглалын манлайлал" хоёр дахь сургалт 05 дугаар сарын 01-ний өдөр боллоо. Энэхүү сургалтыг шинээр сонгогдсон эмэгтэй Төлөөлөгчид болон тэдний ажлын албаны мэргэжилтнүүдэд олон нийт болон сонгогчид, нийгэм дэх зорилтот бүлгүүдтэй харилцах аргачлал, эмэгтэй улс төрчдийн тулгамдсан асуудлууд, нийгмийн сүлжээ, хэвлэл мэдээллийн хэрэгслээр ажлаа сурталчлан таниулах болоод илтгэх урлаг, имиж бүрдүүлэлт зэрэг сэдвүүдээр мэдлэг олгох зорилготойгоор зохион байгуулсан юм. Тус сургалтанд аймгийн ИТХ-ын Төлөөлөгч Т.Энхтуяа, аймгийн ИТХ-ын ОНИХХ-ийн дарга Б.Баяртуяа болон ажлын албаны мэргэжилтнүүд,  Жаргалант сумын ИТХ-ын эмэгтэй Төлөөлөгчид, Завхан аймгийн ИТХ-ын эмэгтэй Төлөөлөгчид болон ажлын албаны мэргэжилтнүүд оролцлоо.