Аймгийн ИТХ-аас Тэргүүлэгчдийн хуралдааны 03 дугаар сарын 24-ний өдрийн 27 дугаар тогтоолоор “Сумын ИТХ болон багийн ИНХ-ын үйл ажиллагааг үнэлж, мэргэжил арга зүйн зөвлөгөө өгөх журам”-ыг батласан билээ.

Уг журмыг хэрэгжүүлэх ажлын хүрээнд Нутгийн өөрөө удирдах байгууллагын үйл ажиллагааг бэхжүүлэх, хяналт тавих, олон нийтэд нээлттэй хүргэх зорилгоор аймгийн ИТХ-ын Нарийн бичгийн дарга Б.Сандагсүрэнгээр ахлуулсан Үнэлгээний ажлын хэсэг Алтай, Үенч, Булган суманд 2017 оны 04 дүгээр сарын 14, 15, 16-ны өдрүүдэд ажиллалаа.

Тус ажлын хэсэг баруун гурван сумын ИТХ-ын энэ оны 1 дүгээр улирлын үйл ажиллагааны явц, бодлогын зорилтын хэрэгжилтийн явцад дүн шинжилгээ хийж, цаашид анхаарах асуудлаар мэргэжил арга зүйн зөвлөгөө өгч ажилласан юм.

Уг ажлын хэсэгт аймгийн ИТХ-ын Нутгийн удирдлага, бодлого зохицуулалтын хэлтсийн дарга Ч.Багдал, Олон нийт, иргэдтэй харилцах хэлтсийн дарга Б.Баяртуяа, НУБЗХ-ийн мэргэжилтэн Б.Даваадорж, ОНИХХ-ийн мэргэжилтэн А.Энхгэрэл нар багтан ажиллалаа.