ХОВД АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ

ГЭМТ ХЭРЭГ, ЗӨРЧЛӨӨС УРЬДЧИЛАН СЭРГИЙЛЭХ ЧИГЛЭЛЭЭР “ХАМТДАА ШИЙДЬЕ” ЗӨВЛӨГӨӨНИЙГ ЗОХИОН БАЙГУУЛЛАА.

2018-11-29 16:38

Гэмт хэргээс урьдчилан сэргийлэх ажлыг зохицуулах салбар зөвлөл, Булган сум дахь Сум дундын цагдаагийн хэлтэс хамтран Гэмт хэрэг, зөрчлөөс урьдчилан сэргийлэх чиглэлээр “Хамтдаа шийдье” зөвлөгөөнийг 2018 оны 11 дүгээр сарын 28-ны өдөр Ховд аймгийн Цэцэг суманд зохион байгуулав.

Энэхүү зөвлөгөөнд Булган, Үенч, Алтай, Цэцэг, Мөст сумдын Иргэдийн Төлөөлөгчдийн хурлын дарга, Засаг дарга, хэсгийн төлөөлөгч, Ховд ачаа тээвэр нэгтгэл ТББ, тээврийн компаний төлөөлөл, Ховд АЗЗА ТӨК, Мянган угалзатын нурууны байгалийн цогцолбор газрын захиргаа, МоЭнКо ХХК зэрэг байгууллагуудын төлөөлөл болон Цэцэг сумын иргэд оролцлоо.

Тус зөвлөгөөний зорилго замын хөдөлгөөний аюулгүй байдлын эсрэг гэмт хэрэг, гэр бүлийн хүчирхийлэл хүүхдийн гэмт хэрэг, хүрээлэн байгаа орчны эсрэг гэмт хэргээс урьдчилан сэргийлэх ажилд гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаа, байгууллага, иргэдийн оролцоог нэмэгдүүлэх гэмт хэрэг, зөрчлийн гаралтыг бууруулахад оршино.


Зөвлөгөөнөөр шийдвэрлэсэн асуудлуудыг дурьдвал: Цагдаагийн байнгын пост ажиллуулах постны барилга байгууламжийн санхүүгийн асуудлыг шийдвэрлүүлэх, сум болгонд бэлэн бус торгуулийн төхөөрөмж, согтуурлын түвшин тогтоох /Драгер багажтай болгох/, иргэдэд мотоциклийн “А” ангиллын үнэмлэх олгох сургалт зохион байгуулах, хэрэг осол ихээр гардаг замуудад хөдөлгөөнт сэрэмжлүүлэг самбар, модель цагдаагийн автомашин байрлуулж замын тэмдэг, тэмдэглэгээг стандартын дагуу шинэчлэх, сумдын төвийг бүрэн камержуулах, архи, согтууруулах ундаагаар худалдаа, үйлчилгээ эрхэлдэг цэгүүдийн тоог сумын хүн амд тохируулан тогтоох, хууль бусаар ашигт малтмал олборлодог иргэд, аж ахуй нэгжийн үйл ажиллагааг таслан зогсоох талаар сумдын ИТХ, Засаг даргаас дорвитой шийдвэр гаргуулах, Булган сум дахь Сум дундын цагдаагийн хэлтэст эрүүлжүүлэн баривчлах байр, хүчирхийлэлд өртсөн иргэдийг түр хамгаалах байр шинээр бариулах зэрэг асуудлуудыг энэхүү зөвлөгөөнөөр хэлэлцэн шийдвэр гаргаж, төслийг танилцууллаа.




2018-11-29 16:38

Сэтгэгдэл ачааллаж байна ..

Сумдууд